جيمس بوند و القلة المندسة !!!!!

العملية المسرحية ذات الشو الاعلامى الخاص بجيمس بوند و الجرى وراء الحرامية مرورا بمحاولات قتل جيمس بوند بواسطة المافيا لانه الوحيد الذى يعرف الحرامية و زعمائهم و فخاماتهم وممكن يبلغ عنهم النيابة و رمى بعضهم عود كبريت تم تكبيره بالعدسة المكبرة لكى تصبح حريقة فى عيون الناس حتى يخافوا على جيمس بوند و أن الناس اللى عملوا كدة عاوزين يمنعوا جيمس بوند من تحقيق هدفه و هو ابلاغ النيابة – مع انه كان سهل و ممكن يبلغ بالتليفون من بيتهم و يبعت حد من مكتبه يسلم البلاغ – و لكن لزوم الحبكة قرر المخرج ان يقوم جيمس بيه باتهام قلة مندسة بتشتغل معاه فى مكتبه انها بتتظاهر امام المكتب حتى تشغله عن القبض على المافيا و اعلن جيمس عن وصوله للناس المندسة و غيرهم على مواقع الفيس بوك اللى ولعوا الكبريت فى المكتب و اتهمهم هما بتعويق القبض على المافيا وعن ابلاغ النيابة واعلن انه يا خسارة لو ما كانش الناس المندسة دى كان زمانه من زمان جدا و منذ سنوات بلغ النياية و قبض على المافيا كلها واحد واحد لكن برضه جيمس بيه مصر على ابلاغ النيابة عن .......القلة المندسة اللى بيتظاهروا عشان الطلبات الفئوية